पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सुन्दरकुमार थकाली
माओवादी अध्यक्ष तथा पूर्व प्रधानमन्त्री ‘प्रचण्ड’ मुस्ताङमा
जोमसोम— नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल‘ प्रचण्ड’ लगायतका नेताहरु बुधबार म्याग्दीको बेनी हुँदै मुस्ताङ आउँनु भएको छ । नेकपा (माओवादी केन्द्रको जनतासंग माओवादी (जनजागरण) अभियानका क्रममा अध्यक्ष ‘प्रचण्ड‘ र महासचिव देव गुरुङ लगायतका दर्जनौ नेता कार्यकर्ताहरु सडकमार्ग हुँदै मुस्ताङ आउँनु भएको हो ।
अध्यक्ष तथा पूर्व प्रधानमन्त्री ‘प्रचण्ड’ लगायत माओवादी केन्द्रका शिर्ष नेताहरुलाई मुस्ताङका प्रमुख जिल्ला अधिकारी बिष्णुप्रसाद भुसाल र माओवादी जिल्ला समन्वय समिति ईञ्चार्ज धिरेन्द्र बिक लगायत जिल्ला स्थित चार वटै सुरक्षा निकाय प्रमुखहरुले म्याग्दी र मुस्ताङको सिमानाका घाँसामा स्वागत गर्नु भएको थियो ।
अध्यक्ष दाहालले सोही क्रममा राष्ट्रिय गौरवको बेनी—जोमसोम ७४ किमी सडकको समेत स्थलगत अवलोकन गर्नु भएको छ । त्यस क्रममा माओवादी अध्यक्ष तथा पूर्वप्रधानमन्त्री ‘प्रचण्ड’ लगायतका नेताहरुले लामो समयदेखि निर्माणकार्य अलपत्र परेको मुस्ताङको थासाङ गाउँपालिका ३ र ्५ जोड्ने लेते—कुञ्जो मोटरेबल पुलको स्थलगत अवलोकन तथा निरीक्षण गर्नु भएको माओवादी केन्द्र जिल्ला समिति ईञ्चार्ज धिरेन्द्र विकले जानकारी दिनुभयो । अध्यक्ष ‘प्रचण्ड’लाई थासाङ स्थित कुञ्जो ताक्लुङ लगायतका जनताले पुल नबेकोप्रति गुनासो राखेका थिए । अध्यक्ष ‘प्रचण्ड’ले पुल निर्माणलाई प्राथमिकतामा राखेर आफु र पार्टीले अधिकतम पहल गर्ने बताउँनुभयो ।
अध्यक्ष तथा पूर्वप्रधानमन्त्री ‘प्रचण्ड’ लगायतका नेताहरुले गण्डकी प्रदेशकै पहिलो धौलागिरी प्राविधिक शिक्षालयको अवलोकन तथा निरीक्षण गर्नु भएको शिक्षालयका प्रिन्सिपल खड्गबहादुर सुब्बाले जानकारी दिनुभयो । अध्यक्ष ‘प्रचण्ड’ लगायतका नेताहरुलाई शिक्षालयको विस्तृत जानकारी दिदै शिक्षालयका प्रिन्सिपल सुब्बाले कार्यक्रमको सहजीकरण गर्नुभएको थियो । अध्यक्ष ‘प्रचण्ड’ शिक्षालय प्रवेश गर्दा त्यहाँबाट देखिने धौलागिरि हिमाल र निलगिरी हिमालको दृष्यावलोकन गर्न पाउँदा मोहित हुनु भएको प्रिन्सिपल सुब्बाको भनाई छ ।
यसैक्रममा अध्यक्ष ‘प्रचण्ड’लाई थासाङ गाउँपालिकाको कोवाङ, टुकुचे र घरपझोङ गाउँपालिकाको मार्फा र स्याङ लगायतका गाउँहरुमा विभिन्न सरकारी तथा गैरसरकारी संस्था र स्थानीय नागरिकहरुले भव्य स्वागत गरेका थिए । मुस्ताङको माफौ स्थित शीतोष्ण बागवानी विकास केन्द्र मार्फाको बागवानी फार्मको समेत स्थलगत अवलोकन तथा निरीक्षण गर्नुभएको छ ।
अध्यक्ष प्रचण्ड’लाई माओवादी केन्द्रका मुस्ताङ जिल्ला ईञ्चार्ज कपिल लामा लगायतका जिल्ला नेता तथा कार्यकर्ताले स्वागत गर्नुभएको थियो । अध्यक्ष‘प्रचण्ड’ले आजै नेकपा माओवादी केन्द्रको जनतासंग माओवादी (जनजागरण) अभियानका क्रममा माओवादीको मुस्ताङ जिल्ला समन्वय समिति तथा पालिका समन्वय समितिलाई शपथग्रहण तथा पार्टी प्रशिक्षण गर्नु हुने ईञ्चार्ज कपिल लामाले बताउँनुभयो ।
यसै क्रममा अध्यक्ष प्रचण्डले जिल्ला स्थित कार्यालयहरुसंग छलफल तथा अन्तरक्रियाका साथै नागरिक सम्वाद गर्नु हुने कार्यक्रम रहेको ईञ्चार्ज लामाले उल्लेख गर्नुभयो । अध्यक्ष ‘प्रचण्ड’ले बिहिबार नेकपा (माओवादी केन्द्र) मुस्ताङको पार्टी कार्यालय भवन शिलन्यास गर्ने कार्यक्रम रहेको माओवादी केन्द्रका गण्डकी प्रदेश सदस्य ङुटुक गुरुङ (टाईगर)ले जानकारी दिनुभयो ।
