पात्रो
राशिफल
विदेशी विनिमय
सुन / चाँदी
युनिकोड
मौसम
शेयर बजार
सुन्दरकुमार थकाली
जोमसोम—म्याग्दी र मुस्ताङको सिमाक्षेत्र थासाङ गाउँपालिका—४ घाँसामा आईतबार स्थानीय प्रशासन र जिल्ला स्थित संयुक्त सुरक्षा प्रमुख लगायतको टोलीले आकस्मिक चेकजाँच गरेको छ । राष्ट्रिय गौरवको बेनी—जोमसोम सडकमार्ग हुँदै मुस्ताङ प्रवेश गर्ने सवारी साधनहरुमा संम्भावित लागु औषध लगायतका सामान भित्रिन सक्ने भएकाले प्रशासन र संयुक्त सुरक्षाकर्मीको टोलीले त्यहाँ आकस्मिक चेकजाँच गरेको हो ।
मुस्ताङ प्रवेशद्वार घाँसामा लागुऔषध ओसार—पोसार तथा अन्य अवैंध सामान मुस्ताङ ल्याउन सक्ने आशंकालाई मध्यनजर गदै टोलीले त्यहाँ सवारी साधान रोकेर चेकजाँच गरेको हो । अनुगमनमा प्रमुख जिल्ला अधिकारी जनराज पन्तसहित नेपाल प्रहरी,सशस्त्र प्रहरी ,नेपाली सेना र एक्याप लगायत १५ जनाको टोली खटिएको थियो ।
सो अवसर आकस्मिक चेकजाँचका क्रममा मुक्तिनाथ दर्शन गर्न आएका भारतीय पर्यटकलाई हाईअल्टिच्युड सम्वन्धि सचेतनामूलक जानकारी गराईएको थियो । अनुगमनका क्रममा सिडियो पन्तसहित संयुक्त सुरक्षा टोलीले घाँसादेखि माथिको कोरला सडक तथा प्रदेश आयोजनाहरुको समेत स्थलगत अवलोकन गरेका थिए ।
मुस्ताङका प्रहरी नायव उपरीक्षक भोजराज पाण्डेयले म्याग्दी हुँदै मुस्ताङ प्रवेश गर्ने सवारी साधनहरुमा अवैंघ सामान ल्याउन सक्ने सरोकारवालाको ध्यानार्कषपछि प्रशासन र प्रहरी लगायतको संयुक्त टोलीले आकस्मिक चेकजाँच गरेको जानकारी दिए ।
